ഏകദേശം 335 ദശലക്ഷം വർഷങ്ങൾക്ക് മുമ്പ് മുതൽ 175 ദശലക്ഷം വർഷങ്ങൾക്ക് മുമ്പ് നിലനിന്നിരുന്ന ഒരു മഹാ ഭൂഖണ്ഡം. ഇത് പാലിയോസോയിക് കാലഘട്ടത്തിന്റെ അവസാനത്തിൽ രൂപപ്പെടുകയും ആദ്യകാല മെസോസോയിക് കാലഘട്ടത്തിൽ നിലനിൽക്കുകയും ചെയ്തു. ഒടുവിൽ അത് ഇന്ന് നമുക്ക് അറിയാവുന്ന ഭൂഖണ്ഡങ്ങളായി വേർതിരിഞ്ഞു. ഈ മഹാഭൂഖണ്ഡത്തിന്റെ പേര് ?

ഏകദേശം 400,000 മുതൽ 40,000 വർഷം വരെ ഭൂമിയിൽ ഉണ്ടായിരുന്ന , ആദ്യകാല ആധുനിക മനുഷ്യരോടൊപ്പം ജീവിക്കുകയും ഇണചേരുകയും, ഏകദേശം 3% ഡി എൻ എ ആധുനിക മനുഷ്യരിൽ അവശേഷിപ്പിച്ച് പോവുകയും ചെയ്ത മനുഷ്യ വർഗം ?

സിക്കിൾ സെൽ അനീമിയയ്ക്ക് കാരണമാവുന്ന മ്യൂട്ടേഷൻ പ്രകൃതിയുടെ തെരഞ്ഞെടുക്കൽ പ്രക്രിയക്ക് (Natural selection) വിധേയമാവുന്നത് മലമ്പനി അധികമുള്ള പ്രദേശങ്ങളിലാണ്  എന്ന് ആദ്യമായി ചൂണ്ടിക്കാട്ടിയ ശാസ്ത്രജ്ഞൻ

‘പരിണാമത്തിന്റെ വെളിച്ചത്തിൽ അല്ലാതെ ജീവശാസ്ത്രത്തിൽ ഒന്നിനും ഒരർത്ഥവുമില്ല’ (Nothing in biology makes sense except in the light of evolution) എന്നു പറഞ്ഞ ഇരുപതാം നുറ്റാണ്ടിലെ ജീവശാസ്ത്രജ്ഞൻ?

കൊടുത്തിരിക്കുന്ന ജീവികളിൽ (A. പ്രാപ്പിടിയൻ പക്ഷി B. പറക്കും അണ്ണാൻ C. വവ്വാൽ D. ഒട്ടകപക്ഷി) മൂന്നെണ്ണത്തിൻ്റെ ചിറകുകളുടെ ഉത്ഭവം ഒരേ രീതിയിലാണ് (ഹോമോലോഗി - Homology). ഏതിനാണ് ബാഹ്യമായ സാമ്യം മാത്രമുള്ളത്  (അനാലോഗി - Analogy) ?

മധ്യപ്രദേശിലെ ധാർ ജില്ലയിലെ പദാലിയ ഗ്രാമത്തിൽ ജനങ്ങൾ കുല ദൈവമായി ആരാധിച്ചു വന്നിരുന്ന ഉരുളൻ കല്ലുകൾ ചില പഠനങ്ങളുടെ അടിസ്ഥാനത്തിൽ ജീവശാസ്ത്ര ശാഖയ്ക്ക് പ്രധാനപ്പെട്ട ഒരു വസ്തു ആണെന്ന് കണ്ടെത്തുകയുണ്ടായി. എന്താണ് ഈ ഉരുളൻ കല്ലുകൾ?

ഡൈനോസോറുകളുടെ അന്ത്യം കുറിച്ചത് ഭൂമിയിൽ ഒരു വലിയ ഉൽക്ക വന്നു പതിച്ചതിൻ്റെ ഫലമായിട്ടാണെന്നാണ് ഇന്ന് കരുതപ്പെടുന്നത്. ഈ ഉൽക്ക പതിച്ചതിൻ്റെ അവശിഷ്ടങ്ങൾ ഇന്നും കാണാം. ഏതു രാജ്യത്തിലാണിത്?