ബഹിരാകാശത്തെ 50 കെൽവിനും താഴെയുള്ള താപനിലയിലെ വലിയ വ്യതിയാനങ്ങൾ താങ്ങാൻ കഴിയുന്ന, വളരെ നല്ല മിനുസത്തിൽ പോളീഷ് ചെയ്തെടുക്കാൻ സാധിക്കുന്ന, അണുഭാരവും സാന്ദ്രതയും വളരെ കുറഞ്ഞ, പ്രകാശത്തിന്റെ പ്രതിപതനത്തെ കൂടുതൽ കാര്യക്ഷമമാക്കാൻ കഴിയുന്ന ഈ മൂലകം ഏതാണ്?

എക്സ്-റേ , ഗാമാ -റേ എന്നിവയുടെ തീവ്രത അളക്കുന്ന ഏകകത്തിനും നൂറ്റിപതിനൊന്നാമത്തെ മൂലകത്തിനും അന്റാർട്ടിക്ക് പ്രദേശത്തെ ഒരു കൊടുമുടിക്കും ഒരു ചിന്ന ഗ്രഹത്തിനുമെല്ലാം ഒരു ശാസ്ത്രജ്ഞന്റെ സ്മരണാർത്ഥമാണ് പേര് നൽകിയിരിക്കുന്നത്. ഏതാണ് ആ ശാസ്ത്രജ്ഞൻ ?

കേരളത്തിലേതു പോലെ പുരോഗമന പ്രസ്ഥാനങ്ങൾക്ക് ശക്തമായ സ്വാധീനമില്ലാത്ത മഹാരാഷ്ട്രയിലാണ്  നരേന്ദ്ര ധാബോൽക്കർ  സ്വന്തം ജീവൻ ബലികഴിച്ച് അന്ധവിശ്വാസങ്ങൾക്കും ആഭിചാരപ്രവർത്തനങ്ങൾക്കുമെതിരെ  പ്രചാരണപ്രവർത്തനങ്ങളിൽ ഏർപ്പെട്ടത്. ഒരു ഡോക്ടറായിരുന്ന ധാബോൽക്കർ പ്രൊഫണൽ ജീവിതം അവസാനിപ്പിച്ച് 1989 ൽ ഒരു സംഘടന രൂപീകരിച് സംസ്ഥാനത്ത് വ്യാപകായി വന്നിരുന്ന ദുർമന്ത്രവാദങ്ങൾക്കും മറ്റുമെതിരായി ജനങ്ങളെ ബോധവൽക്കരിക്കുന്ന പ്രവർത്തനം ആരംഭിച്ചു. ഈ സംഘടനയുടെ പ്രവർത്തനങ്ങളിൽ ക്ഷുഭിതരായ ഇരുട്ടിന്റെ ശക്തികൾ അദ്ദേഹത്തെ കൊലപ്പെടുത്തിയ ശേഷം ധബോദ്ക്കറിന്റെ മകൻ ഹമീദ് ദബോദ്ക്കറിന്റെ നേതൃത്വത്തിൽ  കൂടുതൽ ഊർജ്ജസ്വലതയോടെ ഇപ്പോൾ പ്രവർത്തിച്ച് വരുന്ന ധബോൽക്കർ സ്ഥാപിച്ച സംഘടനയുടെ പേരെന്ത്?